Sentyabrda keçirilən antiterror əməliyyatlarından sonra Qarabağda qalan keçmiş qondarma rejimin “nümayəndəsi” Sərkis Qalstyanın 6 ay sonra Ermənistana köçməsinin səbəbləri araşdırılır.

Tacxeber.com Globalinfo.az-a istinadən xəbər verir ki, Ermənistanın “Hraparak” nəşri Qalstyanın Xankəndidə qalmasını “ermənilərin qayıdışına inam”la əlaqələndirib.

Qəzetin iddiasına görə, Sərkis Qalstyan Qarabağı tərk etmiş ermənilərin Rusiyanın vasitəçiliyi ilə Xankəndiyə qayıdacağına və burada onların hansısa “statusa” malik olacağına inanıb. Lakin 6 ay keçməsinə baxmayaraq, hər hansı qayıdışın olmadığını gördüyü üçün həyat yoldaşı ilə Ermənistana köçməyə qərar verib. Burada isə saxlanılaraq casusluq ittihamı ilə həbs edilib.

Xatırladaq ki, 2023-cü ilin sentyabr ayında keçirilən antiterror əməliyyatlarından sonra Sərkis Qalstyanın Bakı tərəfindən “Xankəndidəki ermənilərin nümayəndəsi” təyin edilməsi ilə bağlı məlumat yayılmışdı. Daha sonra onun qardaşı məlumatın saxta olduğunu açıqlamışdı.

Tacxeber.com