Rusiyalı idmançıları “bomjlar komandası” adlandırdı – Ara qarışdı
Rusiyalı tenisçi Daniil Medvedev Ümumrusiya Bədii Gimnastika Federasiyasının prezidenti İrina Vinerə etiraz edib.
Tacxeber.com xarici mediaya istinadən xəbər verir ki, buna səbəb Vinerin Parisdəki Olumpiya Oyunlarında iştirak edəcək rusiyalı idmançıları “bomjlar komandası” adlandırması olub.
“Hər bir insanın öz fikrini söyləmək hüququ var – mənim onunla razılaşmamaq hüququm olduğu kimi. Bu cür düşünmək üçün hər kəsin öz səbəbləri var. Öz növbəmdə təkrar edirəm: fürsət olsa, yarışlara məmnuniyyətlə qatılacam”, – Medvedev bildirib.
Rusiyanın birinci raketka ustası olan Medvedev indi ATP reytinqində dördüncü yerdədir.
Qeyd edək ki, Viner martın 26-da bildirib ki, Rusiya idmançılarının Olimpiya Oyunlarına neytral statusda getməsi alçaldıcıdır: “Parisdə dedilər ki, ruslar bomjlar komandasında yarışmalıdırlar və bu, indi baş verir. Olimpiadaya bayraqsız, himnsiz və ya azarkeşi olmayan bomjlar komandası gedəcək”.
