Keçəl insanların başı daha həssas olur…
“Keçəl insanlar başlarını saçı olanlardan daha az yumalıdırlar”.
Tacxeber.com xəbər verir ki, bunu rusiyalı terapevt Dilfuza İşbayeva “NEWS.ru”ya bildirib.
Həkim vurğulayıb ki, tükləri olmayan pasiyentlər başlarını yuyan zaman dəri tiplərinə uyğun hipoalergik şampunlara üstünlük verməlidirlər.
“Şampuna çox ehtiyacınız olmayacaq, ancaq başınızda tük varsa, ondan tamamilə imtina etməməlisiniz. Dərinizin tipinə uyğun hipoalergik şampunlar seçmək daha yaxşıdır. Keçəl insanlar saçlarını tam saçlı şəxslər kimi tez-tez yumamalıdırlar”, – İşbayeva əlavə edib.
Onun sözlərinə görə, keçəlliyin əsas çatışmazlığı odur ki, o, günəş şüalarının dərinin tamamilə yararsız olan hissələrinə asanlıqla çatmasına imkan verir. Buna görə də, keçəl insanlar ilk növbədə hər iki növ filtrdən (UVA, UVB) günəşdən qoruyucu (xüsusilə SPF 30) vasitələrdən istifadə etməlidirlər.
“Qışda isə başın dərisinə nəmləndirici krem sürtmək və şapka qoymaq lazımdır. Hətta beş dəqiqə soyuq havada papaqsız gəzmək düzgün deyil. Bu, donma ilə nəticələnə bilər, çünki başın yuxarı hissəsi bədənin həssas hissəsi kimi dəyərləndirilir”, – həkim fikirlərini tamamlayıb.
