Slovakiya millisinin məşqçisi: “Rəşad Sadıqovu dərhal tanıdım, onunla qarşı-qarşıya oynamışdıq” – MÜSAHİBƏ
Dünən (01.08.2024 taxində) “Zirə” Slovakiyada “DAK 1904” klubu ilə cavab matçına çıxıb. Oyun 2-1 Zirənin qələnbəsi ilə başa çatıb. Oyundan əvvəl vaxtı ilə Azərbaycan Premyer Liqasında oynamış azsaylı slovakiyalılardan olmuş Pavol Farkaşla danışdıq. Hazırda Slovakiya millisinin məşqçilər korpusunda yer alan “Qəbələ”nin sabiq futbolçusu Sportal.az saytına müsahibə verib. Tacxeber.com olaraq müsahibəni sizə təqdim edirik.
– “Zirə” ilk oyunda “DAK 1904” klubuna qalib gəldi. İlk oyundakı 4:0 hesablı qələbə sənin üçün sürpriz nəticə idi?
– Bəli, birinci oyuna ilk dəqiqədən sona qədər baxdım. Qeydə alınan nəticəyə görə təəccübləndim. “Zirə” ilk oyunda yaxşı futbol oynadı və 4:0 kimi uğurlu nəticə qazandı. Bu da Azərbaycan klubuna üstünlük qazandırır. Qarşıda cavab matçı var. Necə olacağına baxacağıq.
– “DAK 1904″dən daha uğurlu nəticə gözləyirdiniz? Xisko Munyoz ikinci matçın nəticəsini dəyişə biləcək, yoxsa yox?
– “DAK 1904” üçün çox çətin olacaq. Çünki 4:0-dan sonra geridönüş etmək çətindir. Fərq böyükdür. Amma futbolda hər şey mümkündür. Bunu fərqli-fərqli illərdə, görüşlərində görmüşük.
– “Zirə”nin baş məşqçisi Rəşad Sadıqovu tanıyırsınız. O, Azərbaycan millisinin və “Qarabağ”ın sabiq futbolçusudur…
– Bəli, bəli Rəşad Sadıqovu yaxşı tanıyıram. Gördüyüm zaman onu dərhal tanıdım. Mən “Qəbələ”də oynadığım vaxtı onunla rəqib olmuşuq. Onu görə də tanıdım. “Qarabağ”ın mərkəz müdafiəçisi idi.
– Cavab görüşü haqda sənin proqnozun necədir?
– Çətin və maraqlı oyun olacağı dəqiqdir. Amma hesabla bağlı bir söz deyə bilmərəm. “Zirə” ilk oyunda yaxşı üstünlük əldə edib. Hər halda, 4:0 böyük üstünlükdür. Necə olacağına baxaq, birlikdə görərik. Nəsə deyə bilmərəm.
– Azərbaycan futboluna indi də izləyirsən?
– Bəli, bəzən Azərbaycan Premyer Liqasına baxıram. Həm də, milli komandanın oyunlarını da izləyirəm. Mənim üçün maraqlıdır. Həqiqətən də çempionat da yaxşıdır, milliniz də.
