Söhbət qəhvə üçün ideal olan darçından gedir…
Çoxları qəhvənin faydaları haqqında eşidib, amma nevroloqlar içkinin beyni gücləndirən və qoruyan bir tərkib hissəsi tapıblar. Söhbət qəhvə üçün ideal olan darçından gedir.
“Welland good” nəşri qəhvənin beyin sağlamlığı üçün faydalarını açıqlayıb.
“Mən əminliklə deyə bilərəm ki, qəhvənin beyin sağlamlığı üçün bir sıra əhəmiyyətli faydaları var. Qəhvənin tərkibindəki əsas aktiv birləşmə olan kofein ayıqlığı artıran, konsentrasiyanı yaxşılaşdıran və qısamüddətli yaddaşı yaxşılaşdırmağa kömək edən stimulyator kimi çıxış edir”, – nevroloq Şahin Lakhana deyib.
“Qəhvə antioksidantların etibarlı mənbəyi olduğu üçün beyin hüceyrələrini oksidləşdirici stressdən qorumağa kömək edə bilər. Bu da Alzheimer və Parkinson kimi degenerativ beyin xəstəliklərinin riskini azaltmağa kömək edir”, – mütəxəssis açıqlayıb.
O qeyd edib ki, bəzi tədqiqatlar həmçinin kofenin müntəzəm istehlakının beyinə qoruyucu təsir edə biləcəyini və insult riskini potensial olaraq azalda biləcəyini göstərir. Bundan əlavə, orta dərəcədə qəhvə istehlakı “uzunmüddətli koqnitiv sağlamlığınıza investisiya etmək üçün sadə, lakin təsirli bir yol ola bilər”.
Bəs nə üçün darçınlı qəhvə içmək lazımdır?
Darçın tərkibində qan şəkərinin səviyyəsini tənzimləməyə kömək edə bilən birləşmələri ehtiva edir, bu da gün ərzində sabit idrak funksiyasını qorumaq üçün vacibdir. O, həmçinin antioksidantlarla zəngindir və uzunmüddətli beyin sağlamlığını inkişaf etdirə biləcək iltihab əleyhinə xüsusiyyətlərə malikdir.
“Nutritional Neuroscience” jurnalında 2024-cü ildə dərc edilmiş 40 tədqiqatın icmalına əsasən, darçın idrak funksiyasını – öyrənmə və yaddaşı əhəmiyyətli dərəcədə yaxşılaşdırır və koqnitiv pozğunluğun qarşısını alır.
