Ukrayna Rusiyanın daha bir vilayətini işğal edir: artıq təxliyə başladı
Artıq Belqorod vilayətinin Krasnoyaruzsk rayonunda sakinlərin təxliyəsinə başlanılıb.
Məlumatı Belqorod vilayətinin qubernatoru özünün Teleqram kanalında yazıb.
“Krasnoyaruzsk rayonu ilə sərhəddə düşmən aktivləşib. Biz əhalinin həyatını və sağlamlığını qorumaq üçün Krasnoyaruzsk rayonunda yaşayan insanları təhlükəsiz yerlərə köçürməyə başlayırıq”, – o bildirib.
Qubernator neçə nəfərin təxliyə ediləcəyini və hara aparılacağını dəqiqləşdirməyib.
Krasnoyaruzsk rayonu Ukrayna hərbçilərinin avqustun 6-da daxil olduğu qonşu Kursk vilayətinin Suca şəhərindən təxminən 45 kilometr aralıda yerləşir. Qərb tərəfdən Ukrayna sərhədinə, şimal tərəfdən isə Kursk vilayətinin Belovski rayonuna bitişikdir.
