“Rusiyanı uduzması üçün 6 “kəşfiyyatçı” göndərilib” – FOTO
Rusiya Böyük Britaniyanın Moskvadakı səfirliyinin 6 əməkdaşının akkreditasiyasını ləğv edib.
Bu barədə məlumatı Rusiya Federal Təhlükəsizlik Xidməti (FTX) yayıb.
FTX bildirib ki, buna səbəb onların kəşfiyyat xarakterli pozucu fəaliyyət aparmalarıdır. Xidmət bu addımı Londonun Moskvaya qarşı çoxsaylı bəyanatlarına görə atdığını açıqlayıb.
Yayımlanan məlumatda qeyd olunur ki, Britaniya Xarici İşlər Nazirliyinin Şərqi Avropa və Mərkəzi Asiya Şöbəsi Ukraynada müharibənin başlanmasından sonra yenidən təşkil edilib. Hər iki şöbənin xüsusi xidmət orqanına çevrildiyi bildirilib. Onların əsas hədəfinin Rusiyanı strateji məğlubiyyətə düçar etdirmək olduğu vurğulanıb.
