Telman İsmayılovun öldürtmək istədiyi müğənni DANIŞDI
Rusiyada müğənni Abraham Russo onu oğurlamaqda və sui-qəsd cəhdində ittiham olunan idmançı-güləşçi Tarxan Eldukayevə qarşı ifadə verib.
İdmançının həbsinin uzadılması qərarından belə çıxır ki, müğənninin ifadəsi Eldukayevin cinayətlərini sübuta yetirmək üçün istifadə olunub. İşə ekspert rəyləri və işin digər iştirakçılarının ifadələri də daxil edilib.
Qeyd edək ki, Russoya qarşı sui-qəsd 2006-cı ildə Moskvada baş verib. Müğənniyə “Kalaşnikov” avtomatından bir neçə dəfə atəş açılıb. Nəticədə o, ayağından yaralar alıb. İstintaqın məlumatına görə, sui-qəsdin sifarişi Çerkizovski bazarının keçmiş sahibi Telman İsmayılov olub.
2022-ci ilin dekabrında Moskvanın Xamovniçeski məhkəməsi sui-qəsdin 2 iştirakçısını 12 və 9 il müddətinə azadlıqdan məhrum edib. Hər iki məhkum cəzalarını ciddi rejimli cəzaçəkmə müəssisəsində çəkir.
