Psixoloqdan qalmaqallı açıqlama: “Bozbaş müğənni”, cinsəl qorunma, təmizlik…”
Cəmiyyətdə artan qətllər narahatlıq doğurur. Bir qisim şəxslər bunu sosial səbəblər, maddi çətinliklərlə əlaqələndirir. Digərləri isə sosial şəbəkələr, mənfi xarakterlərin təbliği ucbatından insanların vəhşiləşdiyini iddia edir.
Bəs bu hala əsl səbəb nədir?
Tacxeber.com xəbər verir ki, mövzu ilə bağlı Yenisabah.az-a danışan psixoloq Samirə Bağırova bir sıra məqamlara aydınlıq gətirib:
“Məsələ cəmiyyətlik deyil, eləcə də son zamanlara da aid deyil. Cinayət, qətl həmişə olub. Hətta illər, əsrlər öncə bəlkə daha da çox olub. Dövlətlər inkişaf etdikcə, qanunlar yarandıqca, dinlə idarəçilik yayıldıqca kriminalı maksimum şəkildə nəzarətdə saxlamağa çalışsalar da, təbii ki, insan xislətini nəzarətdə saxlamaq mümkün deyil. Yer üzündəki insan artımı əslində geniş yayılmış din və qanun sayəsindədir. Baxmayaraq ki, müxtəlif cür qoruyucuların təbliğatları aparılır. Statistika göstərir ki, yer üzündə hər saniyə doğulanların sayı, ölümdən çoxdur. Bizə bunu çox kimi göstərən sosial şəbəkələrdir”.
Psixoloq vurğulayıb ki, konkret cəmiyyətlərdən danışsaq və müqayisə etsək, ölkədə intizam balansını qorumaq və ciddi nəzarət etmək, hər regionun dövlət məmuruna aid olmalıdır:
“Region üzrə icra başçısından tutmuş, millət vəkilinə qədər hər biri intizamlı olsa və öz rayonu üzrə maarifləndirici təbliğatlar aparsa, nəinki cinayətlər azalar, həm də insanlar mədəniləşər.
Bizdə kənddə camaatı əyləndirmək üçün maksimum “bozbaş” bir müğənnini dəvət edirlər, salırlar ortaya, əhali də düşür onunla şəkil çəkdirməyə, vəssalam.
Rayonlar üzrə həm cinsəl qorunmaq, xəstəliklər, həm psixologiya, həm təmizlik, həm etik qaydaları aşılayan maarifləndirici təbliğatlar aparılmalı və bununla məşğul olan xüsusi təşkilatlar olmalıdır.
