“Bitcoin” son 5 ayın zirvəsində

Bitcoin, ABŞ seçkiləri yaxınlaşdıqca iyun ayından bəri ilk dəfə olaraq 71.000 dolları ötüb.

Çərşənbə axşamı Sinqapurda saat 10:45-ə olan məlumata görə, ən qiymətli kriptovalyuta olan bitkoin 2 faizdən çox bahalaşaraq 71 310 dollara çatıb. İkinci sırada olan “Ether” və “Dogecoin” hər ikisi təxminən 4 faiz qazandı.

Treyderlər ABŞ seçkilərində kimin qalib gəlməsindən asılı olmayaraq, “Bitcoin”in noyabrın sonuna qədər 80.000 dollar pik həddinə çatacağına dair mərcləri artırdılar. Noyabrın 5-də seçki günü ətrafında nəzərdə tutulan qeyri-sabitlik artıb. ABŞ-dakı “Spot-Bitcoin ETF”ləri bu ay indiyədək təxminən 3,3 milyard dollar xalis vəsait cəlb edib. (Valyuta.az)

Tacxeber.com