İsrail ordusunun İrana hava hücumu zamanı üç S-300 zenit-raket kompleksi məhv edib.

Tacxeber.com xəbər verir ki, bu barədə “The Wall Street Journal” məlumat yayıb.

Rusiyanın İrana verilmiş dörd kompleksdən üçü həmin hücumda, biri isə apreldə məhv edilib.

ABŞ-ın Müharibə Araşdırmaları İnstitutunun (ISW) məlumatına görə, S-300-lərdən biri Tehran hava limanı yaxınlığında, digər ikisi isə enerji obyektlərində yerləşdirilmişdi.

İranın arsenalındakı S-300 sistemləri 1990-cı illərin sonlarında modernləşdirilmiş kompleksin versiyaları idi.

ABŞ analitiklərinin fikrincə, S-300 komplekslərinin itirilməsi ilə İranın bir çox mühüm obyektləri raket hücumuna qarşı müdafiəsiz qalır./Teleqraf.com

Tacxeber.com