Medvedev: “Zurabişvilinin hərəkətlərinin nəticəsi vəzifədən uzaqlaşdırılma və həbsdir” – FOTO
Rusiya Təhlükəsizlik Şurasının sədr müavini Dmitri Medvedev Gürcüstan prezidenti Salome Zurabişvilinin həbs edilməli olduğunu bildirib.
Tacxeber.com xəbər verir ki, bu barədə Medvedev özünün “X” hesabında qeyd edib.
“Gürcüstanın marionet prezidenti seçkilərin nəticələrini tanımaqdan imtina edib və dövlət çevrilişinə çağırış edərək konstitusiyaya zidd addım atıb.
Belə hallarda isə standart təcrübə vəzifədən uzaqlaşdırılma və həbsdir”, – o bildirib.
Qeyd edək ki, Gürcüstan Prezidenti Salome Zurabişvili ölkədə keçirilən parlament seçkilərinin hakim “Gürcü arzusu – Demokratik Gürcüstan” Partiyasının qələbəsi ilə nəticələnməsinin total saxtakarlıq olduğunu açıqlayıb. O, ölkə sakinlərini bazar ertəsi Tbilisidə parlament binası qarşısında parlament seçkilərinin nəticələrinə etiraz etməyə çağırıb.
