Şahin Diniyev də istefa verdi
“Səbail”in baş məşqçisi Şahin Diniyev istefa verib.
O, bu haqda qərarını Misli Premyer Liqasının 12-ci turunda səfərdə “Kəpəz”ə qarşı matçdan (0:1) sonra açıqlayıb.
Diniyev keçirdiyi mətbuat konfransında rəhbərliklə görüşdüyünü və öz xahişi ilə istefa verdiyini söyləyib.
Ş.Diniyev deyib ki, “Səbail”də bundan sonra nəyisə dəyişmək üçün özündə güc görmür:
“Mənə dedilər, səbr et. Amma bu materialla nəyisə dəyişəcəyimə özümdə güc görmürəm. Komandaya yeni nəfəs lazımdır. Bu, mənim yekun qərarımdır”.
Hələlik “Səbail” rəhbərliyinin bu qərara münasibəti bəlli deyil.
