“Hardasa 2022-ci ildə balina maketini mən hazırlamışam. Sosial şəbəkədə öz şəxsi səhifəmdə və iş səhifəmizdə paylaşmışdıq. 3 ədəd idi. Məkanlardan birinin sifarişi idi. Dünən Dənizkənarı Bulvar İdarəsində bildiyiniz kimi balina maketi hamını təşvişə salmışdı. Bunun həqiqi balina olduğuna inananlar da var idi. Maket olduğunu biləndən sonra insanlar elə bildilər ki, bunu biz hazırlamışıq. Həmin şübhələri nəzərə alaraq mən də öz hazırladığım balinanı səhifəmdə paylaşdım və qeyd etdim ki, buna bənzəri illər öncə biz hazırlamışıq”

Tacxeber.com xəbər veriri ki, bunu Moderator.az-a açıqlamasında dizayner Nahid Eminov deyib. O daha sonra əlavə edib:

“Biz bu cür layihələrdə iştirak etməyə hazırıq. Əlbəttə ki, istərdik həmin balinanı biz hazırlayaq. Çünki ölkə əhəmiyyətli böyük layihələrdə hər zaman çıxış etmişik. Uğurlu işlərimiz nümayiş olunub və bəyənilib. Amma o maket xarici ölkə dizaynerləri tərəfindən hazırlanmışdı. Həmin balinanı biz hazırlasaydıq daha da canlı görünməsi üçün bəzi elementlər əlavə edərdik ki, hərəkətli olsun və həqiqi balinaya oxşasın. Amma bu balina da məşhur maketdir və bir çox dünya ölkələrində ekoloji layihələrdə nümayiş etdirilib” deyə dizayner bildirib.