Lukaşenko: Allah eləməsin, Belarusda qadın prezident seçilsin
Belarus Respublikasının Prezidenti Aleksandr Lukaşenko qadının dövlət başçısı postunu tuta bilməsi ehtimalına münasibət bildirib.
Tacxeber.com xəbər verir ki, bu barədə informasiyanı BELTA agentliyi yayıb.
“Allah eləməsin, Belarusda, qadını prezident seçsinlər. Hamı bilir ki, ABŞ prezidentinə bütün səlahiyyətlər verilməyib, amma bizim ölkədə vəziyyət başqa cürdür. Belarusda prezident ali baş komandandır. Bu isə ən çətin işdir. Qadına belə məsuliyyətli işi vermək olmaz. Ola bilsin ki, zaman keçdikcə biz də bu üsluba gələcəyik. Amma hələlik bu mümkün deyil”, – Aleksandr Lukaşenko qeyd edib.
“Mən qadınlara heyranam, onların rolunu heç də aşağılamıram. Həmişə yanımızda olmalıdırlar”, deyə o, əlavə edib.
