Türkiyədə saxlanılan Azərbaycanlı diplomatın üzərindən 70 kilo qızıl çıxıb.
İstanbulda Azərbaycanlı diplomatın üzərində 70 kq. qızıl aşkar edilərək saxlanılıb.
Tacxeber.com Yenisafak.com-a istinadən xəbər verir ki, İstanbulun Sarıyer rayonunda bir ticarət mərkəzinin qarşısında polis əməkdaşları tərəfindən saxlanılan Azərbaycanlı diplomatın üzərindən 70 kilo qızıl aşkarlanıb. Hadisə ilə bağlı hüquqi proses davam etdiyi bildirilir.
Türkiyə Baş Prokurorluğunun verdiyi məlumata əsasən Qaçaqmalçılıq Cinayətləri ilə Mübarizə Şöbəsinin əməkdaşları tərəfindən aparılan iş çərçivəsində, Sarıyerdə bir ticarət mərkəzinin qarşısında Azərbaycan əsilli və diplomat olduğu dəqiqləşmiş M.G.Ş. adlı şübhəli şəxs taksi də olarkən saxlanılıb.
Saxlanılan M.G.Ş.-nin üzərində aparılan axtarış nəticəsində 70 kilo qızıl aşkar edilib. Şübhəli M.G.Ş.-nin həmin qızılların ona məxsus olduğunu təsdiqləyib və hüquq-mühafizə orqanlarına diplomat olduğunu bildirib.
