Yapon alimləri yan təsiri olmayan ağrıkəsici hazırlayıblar.

Tacxeber.com Yenisabah.az-a istinadən xəbər verir ki, Yaponiyanın “Kindai” Universitetindən olan alimlər yan təsir göstərməyən və uzunmüddətli ağrıkəsici təsirə malik yeni bir antikor kəşf ediblər.

 Hüceyrə adezyon molekulu 1-i (CADM1) hədəf alan yeni 3E1 antikoru, uzunmüddətli və yan təsirsiz ağrıkəsici xüsusiyyəti ilə diqqət çəkir. 3E1 antikoru sinir hüceyrələrinin səthində olan CADM1 zülalını hədəf alaraq yalnız duyğu sinirlərinə təsir edir. Mütəxəssislər bu antikorun ağrı siqnallarını ötürən sinirlərin fəaliyyətini zəiflədə biləcəyini aşkar ediblər.

“Kindai” Universitetinin Tibb Fakültəsinin professoru Akihiko Ito və komandası antikorun yalnız dərialtı duyğu sinirlərində lokalizasiya olduğunu müşahidə ediblər. Kimyəvi mənbəli ağrı testlərində 3E1 tətbiq edilən siçanların ağrıya davamlı davranışlarının əhəmiyyətli dərəcədə azaldığı görülüb. Bu təsirlər mövcud lokal anesteziklərdən daha uzun sürərək, 24 saata qədər davam edib.

Tədqiqat komandasına görə, 3E1-in ən mühüm üstünlüklərindən biri motor sinirlərə heç bir mənfi təsir göstərməməsidir. Aparılan sınaqlarda antikorun iflic və ya davranış pozuntularına səbəb olmadığı aşkar edilib.

Son illərdə osteoartrit və xroniki ağrıların müalicəsi üçün hazırlanmış antikor əsaslı dərmanlar ciddi yan təsirlər doğururdu. Lakin 3E1 motor sinirləri təsir etmədən və toksik təsirlər yaratmadan təhlükəsiz həll yolunu təqdim edir.

Tacxeber.com