Böyük itkilər: Rusiya tankları yük maşınları ilə əvəz edir
Kurskdakı rus qoşunları hərbi texnikada böyük itkilər səbəbindən zirehli tanklardan və PDM-lərdən yük maşınlarına keçməyə məcbur olur və bu, Ukrayna ordusu üçün yeni imkanlar açır.
Bunu “Forbes” nəşrinin analitiki Devid Eks deyib.
“Təxmini hesablamalara görə, avqustun 6-dan noyabrın 26-dək ruslar Kurskda 364 ağır texnika – əsasən tanklar və PDM-lər itiriblər. Ruslar artıq Kursk vilayətində itirilən yüzlərlə maşını yeni, daha az zirehli maşınlarla əvəz etməyə çalışırlar”, – analitik bildirib.
Onun sözlərinə görə, Rusiyada köhnə texnikaların ehtiyatları tükənir və sanksiyalar yeni istehsala mənfi təsir göstərir. Buna görə də Rusiya zavodları mürəkkəb tırtıllı texnikalardan daha sadə, təkərli nəqliyyat vasitələrinin istehsalına keçirlər.
