Ərdoğan “Yaprak Dökümü”ndəki məşhur replika ilə müxalifəti TƏNQİD ETDİ

“Türkiyənin çevriliş konstitusiyasının donqarından qurtulması vacibdir”

Bunu Türkiyə Prezidenti Rəcəb Tayyib Ərdoğan bir daha yeni konstitusiyanın hazırlanması üçün çağırış edib.

“Gözləntilər və tələblər də həyatın dinamizmi daxilində dəyişir. Dünya dəyişdikcə insanların olduğu kimi qalması təbiətə ziddir. Siyasətin vəzifəsi suallara və problemlərə ağlabatan cavablar vermək və xalqın dəyişiklik iradəsini düzgün alətlərlə idarə etməkdir. Türkiyə kimi demokratiyası 42 il əvvəl baş vermiş dövlət çevrilişi nəticəsində pozulmuş ölkələrdə dəyişiklikləri idarə etmək daha çətindir”, – Ərdoğan bildirib.

Türkiyə liderinin “Yaprak Dökümü” serialındakı məşhur replika ilə müxalifəti tənqid etməsi diqqət çəkib:

“Bu səbəbdən Türkiyənin çevriliş konstitusiyasının donqarından qurtulmasının vacib olduğunu israrla bildiririk. Biz bu çağırışı müxalifətin iddia etdiyi kimi gündəm narahatlığına görə deyil, əksinə, ölkəmizin yeni konstitusiyaya ehtiyac duyduğunu gördüyümüz üçün edirik. Müxalifət problemin həddən artıq böyüməsi üçün əlindən gələni edir. Onların ölkənin hər hansı məsələsi ilə bağlı təklifləri varmı? Yox. Onların lüğətində “biz istəmirik”dən başqa inkişaf varmı? Bu da yoxdur. “Aman Əli Rıza bəy (Red: “Aman Allah korusun, Allah ağzımızın tadını pozmasın, Ali Rıza bey!”), bizim adımızı ləkələmək üçün çox rahat yerdə siyasət oynayırlar”.

Tacxeber.com