Məşhur insayder Fabrizio Romano “Qarabağ”ın hücumçusu Juninyonun “Sevilya”ya mümkün transferini şərh edib. 

Tacxeber.com xəbər verir ki, italyan jurnalist “X” hesabında paylaşım edərək futbolçunun gələcək karyerası ilə bağlı bu sözləri yazıb:

“Sevilya” və “Qarabağ” braziliyalı hücumçu Juninyonun transferi ilə bağlı şifahi razılıq əldə etməyin astanasındadır. Transferə 4 milyon avro + 1 milyon avro bonus daxildir”.

Romano bildirib ki, “Sevilya”nın gələcəkdə bu futbolçunu satacağı məbləğdən “Qarabağ” 20% gəlir əldə edəcək.

“Müqavilənin detalları dəqiqləşəndən sonra tərəflər arasında razılıq əldə ediləcək”, – insayder qeyd edib.(Qafqazinfo)