Amerikalı sahibkar İlon Mask ötən ilin dekabrında İranda saxlanılan italyalı jurnalist Sesiliya Salanın azad edilməsinə yardımçı olub.

Tacxeber.com xəbər verir ki, bu barədə çərşənbə günü “New York Times” (NYT) öz mənbələrinə istinadən məlumat yayıb.

Qeyd edilib ki, Mask bu məsələni İslam Respublikasının BMT-dəki daimi nümayəndəsi Əmir Səid İrəvani ilə müzakirə edib.

İranda jurnalist vizası ilə işləyən Sala 2024-cü il dekabrın 19-da “İslam Respublikasının qanunlarını pozduğuna görə” həbs edilib.

İşin təfərrüatları açıqlanmayıb. Səlahiyyətlilər və qadının qohumları mətbuatdan maksimum məxfiliyi qorumağı xahiş ediblər.

İtaliya mətbuatı jurnalistin ABŞ-ın tələbi ilə Milanın Malpensa hava limanında iranlı mühəndis Məhəmməd Abedininin həbsindən bir neçə gün sonra saxlanıldığını bildirib.

Bununla belə, Tehran əmin edib ki, İtaliya mətbuatının iddia etdiyi kimi, şantaj və ya mübadilə cəhdinin “heç bir işarəsi” yoxdur.

Qeyd edək ki, yanvarın 8-də İtaliyanın baş naziri Giorgi Meloninin mətbuat xidməti Sesiliya Salanın Tehrandan vətəninə uçduğunu bildirib.

Tacxeber.com