Müğənni Rəqsanə İsmayılova qızı Aysun İsmayılovanın boşanma xəbərlərindən danışıb.

Tacxeber.com xəbər verir ki, o, sosial media hesabında açdığı canlı yayımda bunları söyləyib:

“Hər bir insanın ailəsində dava da, problem də, çətinlik də olar. Bu, o demək deyil ki, həmin dəqiqə boşanırlar, ailə dağılır. İnsandırlar da, ər-arvaddırlar bir-birilərini anlamırlar, ona görə vaxt veriblər. Bəlkə 10 gündən sonra barışacaqlar. Bilmirik nə baş verə bilər. Həyatdır. Aysunun öz ağlı var. Böyük insandır, 6 aylıq uşağı var. O öz qərarlarını hamımızdan yaxşı bilir. Ramilin də həmçinin. Kimin ailəsi dağılmır ki? Heç kimin ailəsində hər şey beşdəbeş deyil. Anayam, uşağım haqqında kimsə nəsə deyəndə cavab verməyə məcburam. Aysun əri də yazdı ki, xarakterinə görə, söz-söhbət yaranıb. Mənim uşağım həmişə istəyib ki, ailəsi olsun, xoşbəxt olsun, hər şey yaxşı olsun”.

Tacxeber.com