ABŞ-də daha bir təyyarə qəzası: Şəhərdə yanğın başladı
6 nəfərinin göyərtəsində olduğu kiçik tibbi təyyarə Cümə gecəsi Filadelfiyanın şimal-şərqində məhəllədə qəzaya uğrayıb.
Tacxeber.com NBC News-a istinadla xəbər verir ki, qəza partlayışa səbəb olub və bir neçə evi yandırıb.
Təyyarədə olanların sağ qalıb-qalmadığı məlum deyil. Filadelfiya polisi bildirib ki, bir neçə nəfər yaralanıb.
Federal Aviasiya Administrasiyasının bəyanatında deyilir ki, “Learjet 55” Şimal-şərqi Filadelfiya hava limanından havaya qalxaraq Missuri ştatının Sprinqfild şəhərinə gedərkən qəzaya uğrayıb.
Təyyarə yerli vaxtla saat 18:07-də uçuş-enmə zolağından çıxdıqdan bir neçə dəqiqə sonra Ruzvelt ticarət mərkəzinin yaxınlığında qəzaya uğrayıb.
“Jet Rescue Air Ambulance”dan verilən açıqlamaya görə, təyyarədə olan altı nəfərin arasında 4 ekipaj üzvü, bir uşaq və xəstənin yoldaşı olub.
Xəstəxananın sözçüsü Mel Bouer, xəstənin Filadelfiyadakı “Shriners” Uşaq Xəstəxanasında müalicə olunan meksikalı bir qız olduğunu söylədi. Onun müalicəsi başa çatmışdı və o, evə qayıdarkən təyyarə qəzaya uğrayıb.
Meksika Xarici İşlər Nazirliyi bəyanat yayaraq, Filadelfiyanın şimal-şərqində qəzaya uğrayan təyyarədə Meksika vətəndaşı olan 6 nəfərin olduğunu təsdiqləyib.
