ABŞ-yə köçmək istəyənlərə müjdə: 5 milyonluq kart veriləcək
ABŞ iki həftədən sonra Amerikada yaşamaq və işləmək hüququ verən, o cümlədən vətəndaşlıq əldə etməyə yol açan “qızıl kart”ların satışına başlayacaq.
Tacxeber.com xəbər verir ki, bunu prezident Donald Tramp Ağ Evdə jurnalistlərə açıqlamasında deyib.
Onun sözlərinə görə, qızıl kartın dəyəri təxminən beş milyon dollar olacaq.
“Biz “qızıl kart” satacağıq. Sizin “yaşıl kart”ınız var. Bu qızıl kartdır. Biz o karta təxminən beş milyon dollarlıq qiymət qoyacağıq. Bu sizə “yaşıl kart”ın üstünlüklərini verəcək. Üstəlik bu, vətəndaşlığa aparan yol olacaq. Zəngin insanlar ölkəmizə gəlib o kartı alacaqlar”, – Tramp qeyd edib.
Tramp milyonlarla kartın satılacağını gözləyir. “Hüquqi nöqteyi-nəzərdən bu, tamamilə qanunidir”, – o vurğulayıb.
