“Bloomberg”in də Azərbaycanda müxbir akkreditasiyasının ləğv edildiyi bildirilir

Bundan öncə “BBC News” və “Sputnik”in Azərbaycandakı nümayəndəlikləri, o cümlədən “Amerikanın səsi” radiosunun müxbir akkreditasiyası ləğv edilmişdi.

“Bloomberg” agentliyinin Azərbaycanda müxbir akkreditasiyasının ləğv edildiyi haqqında məlumat yayılıb.

Bu barədə Tacxeber.com “Report”a istinadən xəbər verir.

Qeyd edək ki, daha öncə “BBC News” və “Sputnik”in Azərbaycandakı nümayəndəlikləri, o cümlədən “Amerikanın səsi” radiosunun müxbir akkreditasiyası ləğv edilib.

2024-cü il dekabrın 18-də Azərbaycan Prezidenti İlham Əliyev Rusiyanın bir neçə mətbu və media orqanına müsahibəsində demişdi ki, Azərbaycan mediası xaricdən hətta 1 faiz belə maliyyələşə bilməz.

“Biz ABŞ-də media maliyyələşdirmirik. Niyə onlar bizim medianı maliyyələşdirməlidirlər?! Lazım deyil. Onlar “Amerikanın səsi” və “Azadlıq” radiosu kimi əlaltı resursları vasitəsilə gecə-gündüz xalqımıza, ölkəmizə qara yaxırlar, Ermənistan üzərində qələbəmizə kölgə salırlar” – İlham Əliyev bildirmişdi.

Tacxeber.com