Qurbanov şikayətləndi: Futbola əks olan hər şey var idi

Bu gün meydanda futbola əks olan hər şey var idi.

Tacxeber.com xəbər verir ki, bunu “Qarabağ”ın baş məşqçisi Qurban Qurbanov səfərdə “Kəpəz”lə 0:0 hesablı heç-heçə etdikləri Azərbaycan Premyer Liqasının XXVII tur matçından sonra mətbuat konfransında deyib.

“Qalib gəlmək istəyirdik, alınmadı. Daha çox təzyiq göstərməli idik, amma şərait belə idi. Süni örtüklü meydan, hava durumu, həmçinin meydançanı sulamalı olan işçilərin evə getməsinə görə topun gedişi istədiyimiz kimi olmadı. Bu gün meydanda futbola əks olan hər şey var idi. Qalib gəlmədik deyə demirəm, ümumən belə şəraitdə futbol oynamaq rahat deyil. Tempi artırmaq istəyirsən alınmır, oyunçular vaxt uzadırdılar, qapıçı top gec başlayır, yerdə yatır, bir az da hakim onlara qoşulmuşdu. Oturub gözləyirdim ki, oyun bitsin. Futboldan həzz alınacaq bir şey yox idi. Məğlub da ola bilərsən, bərabərə də qala bilərsən, amma oyunda sürət və dinamika olur. Qol epizodlarından istifadə edə bilmədik, bunlar texniki amillərdir, meydançanın da təsiri oldu”, – Q.Qurbanov qeyd edib.

Tacxeber.com