Prezidentliyə namizəd olmaq istəyən Əkrəm İmamoğlunun universitet diplomu ləğv edilib.
İstanbul böyük şəhər bələdiyyə başqanı Əkrəm İmamoğlunun universitet diplomu ləğv edilib.
Guya onun vaxtilə Kıbrısdakı Girne Amerikan Universitetindən İstanbul Universitetinə keçidi qanunsuz olubmuş.
Martın 23-də – bazar günü CHP-nin prezidentliyə namizədinin müəyyən edilməsi üçün ilkin seçki keçiriləcək. Qərarın bu ərəfədə verilməsi əlbəttə ki, təsadüfi deyil. Konstitusiyaya əsasən yalnız ali təhsilli şəxs prezidentliyə namizəd ola bilər. Diplomun ləğvi CHP-dəki ilkin seçkini mənasızlaşdırmağa və İmamoğlunun prezidentliyə namizəd statusu (siyasi baxımdan) qazanmasını əngəlləməyə yönəlib.
Cümhuriyyət dövrünün siyasi tarixi, o cümlədən hazırkı prezident Ərdoğanın siyasi karyerası onu göstərir ki, hüquqi müstəvidəki qərarlar, hətta hərbi xunta rejimləri gec-tez xalq iradəsinin qarşısında aciz qalır.
