Ərdoğandan İmamoğlunun həbsi barədə İLK AÇIQLAMA – VİDEO
Türkiyə Prezidenti Rəcəb Tayyib Ərdoğan ilk dəfə İstanbul Böyükşəhər Bələdiyyə başçısı Əkrəm İmamoğlunun saxlanılması və Türkiyədə baş verən etirazlara münasibət bildirib.
Tacxeber.com xəbər verir ki, Ərdoğan bu barədə xalq qarşısında çıxışı zamanı danışıb.
“Cümhuriyyət Xalq Partiyasının (CHP) problemi yalnız bir neçə insana aiddir. Müxalifətin daxili çəkişmələrini, qanunla bağlı problemlərini ölkənin ən mühüm problemi kimi təqdim etmək cəhdləri ikiüzlülüyün zirvəsidir.
Müxalifət öz Xalq Partiyası, mətbuatı və digər strukturları ilə istər diplom məsələsində, istərsə də korrupsiya və oğurluq məsələlərində məhkəmənin irəli sürdüyü ittihamlara heç vaxt reaksiya vermir. Onlar ittihamlara cavab verə bilmirlər”, – Ərdoğan qeyd edib.
Türkiyə lideri bildirib ki, müxalifət çıxışlarına qulaq asmağa vaxtı yoxdur: “Heç birimizin müxalifət çıxışlarına vaxtımız yoxdur. Qətiyyətli və təsirli əməliyyatlarla terrorçuları torpaqlarımızdan təmizlədik. Onu da korrupsiyadan təmizlədik.
Onlar da (müxalifət – red.) bilirlər ki, bu məlumatların və sənədlərin böyük hissəsini məhkəmə orqanlarına öz partiyalarının üzvləri ötürüblər.
