İmamoğlu məsələsi Türkiyədə siyasi balansı dəyişdirə biləcək kritik bir hadisədir.

İstanbul Böyükşəhər Bələdiyyə Başçısı kimi 2019-cu ildə qazandığı qələbə ilə diqqət çəkən İmamoğlu, prezident Rəcəb Tayyib Ərdoğanın potensial rəqiblərindən biridir. Buna görə də ona verilən cəza, qarşıdan gələn seçkilər ərəfəsində müxalifətin önəmli fiqurunu zəiflətmək cəhdidir.

 

Qərardan sonra İmamoğluna dəstək verən geniş kütlələr küçə aksiyaları təşkil edib və müxalifət partiyaları bu vəziyyəti demokratiyaya vurulan zərbə kimi qiymətləndirib. Bundan əlavə, beynəlxalq media və insan haqları təşkilatları da qərarı tənqid edərək Türkiyədə məhkəmə sisteminin müstəqilliyinin şübhə altına düşdüyünü vurğulayıb.

Bu cür hadisələr Türkiyədə siyasi gərginliyin artmasına və müxalifətin daha güclü şəkildə birləşərək hərəkət etməsinə də, türk siyasətində seçkili demokratiyanın birdəfəlik dəfninə də zəmin yarada bilər. Məhkəmə qərarlarının siyasi rəqabətə bu dərəcədə alət olması Türkiyədə ədalət mühakiməsinin də tarixə qovuşmasını şərtləndirəcəkdir.