“Qrenlandiya satılmır!” – ABŞ-yə belə cavab verdilər
Danimarkanın ən böyük şəhərləri Orxus və Kopenhagendə ABŞ-nin Qrenlandiya siyasətinə qarşı nümayişlər keçirilib.
“Qafqazinfo” bu barədə “Danmarks” radiosuna istinadən xəbər verir.
Məlumata görə, 800-1000-dək insan paytaxtdakı ABŞ səfirliyi qarşısında “Qrenlandiya Qrenlandiyalılara məxsusdur”, “Qrenlandiya satılmır” və “ABŞ, geri çəkil” şüarları ilə nümayişə toplaşıb.
“Həm Qrenlandiyaya, həm də Danimarkaya qarşı bu təzyiq qəbuledilməzdir. Biz bunun normal olmadığını göstərmək istəyirik. Bu, kobud pozuntudur”, – təşkilatçılardan biri olan Karen Littauer deyib.
