“Onların başının tacı şəhidlər yox yuxarıdan gələn tapşırıqdır”. Nəriman İlqaroğlu
Zəhmət olmasa hamı diqqətlə oxuyub paylaşsın ki, qoy uca millətim və bütün məmurlar (kimdə hansının nömrəsi varsa ona yollasın) eşitsin və agah olsun!!!
Mən atamın qanını bu hakimiyyətin ən yuxarısından ən aşağıda olan sadə polis əməkdaşına(heç vaxt vətəndaşa haqsızlıq etməyən istisna edirəm. Təbii ki eləsi varsa) qədər heç birinə HALAL ELƏMİRƏM! Mənim bir qızım var. Qızımın iki babası da şəhiddir. Şəhid İsmayılov İlqar və Şəhid Əlibəyov Murad. Hər iki şəhidimin qanı, bu ölkə uğrunda, dövlət uğrunda çəkdiyimiz min bir əzab əziyyət şəhid ailəsinə və qaziyə zülm demirəm, hətta, hörmətsizlik edən hər bir məmura HARAM HARAM HARAM OLSUN! Biz şəhid ailəsi olaraq o qədər əziyyət görmüşük ki, bunu heç kimə arzulamıram. Atamın məzarı yoxdur. Artıq mən deyirəm ki, bütün Azərbaycan atamın məzarıdır mənim üçün.
Nənəm, şəhid anası ölənə qədər oğlum deyə-deyə qaldı. Nə bir damcı hörmət, nə bir damcı diqqət nə də bir damcı qayğı….
2018-ci ildə 30 günlük həbsdən sonra faktiki xəstəliyim ola-ola məcburi əsgərliyə yolladılar məni. Halbuki mən həmişə əsgərliyə getmək istəmişəm. Mənə çağırış gələn gün mənim nənəm öz hesabımıza müalicəyə yolladığımız Türkiyədə dünyadan köçdü. Zəng edib adamlara dedim ki, “nənəm rəhmətə gedib mənə 3 aylıq icazə verin. Bu qadın şəhid anasıdır. Mənə Nəriman yox İlqar deyir. Bunu məndən başqa heç kim edə bilməyəcək. Gedim gətirim oğlunun qanı olan torpaqda dəfn edim. Vallah mən əsgərlikdən qaçan adam deyiləm.” Əxlaqsızcasına mənə dedilər ki, yox, yuxarıdan deyiblər ki, sən elə indi getməlisən.”
Və nəticədə mənim nənəmin məzarı hələ də vətəndə deyil….
Adamlar günü bu gün də “şəhidlər bizim başımızın tacıdır” deyəndə iliyinə kimi yalan danışır. Onların başının tacı yuxarıdan gələn tapşırıqdır.
Məni tanıyanlar bilir ki, mən heç zaman belə danışan, bunları camaata deyən adam olmamışam. Uzağı atamın doğum və şəhid olduğu gün nəsə paylaşıb xatirəsinə hörmət görəndə sevinərəm. Amma səhv eləmişəm. Mən çalışmışam ki, hörməti, izzəti özüm qazanım. Şəhid ailəsi olduğumu siyasi çevrədən belə çox adam bilmirdi. Çünki mən Nəriman İsmayılov İlqar oğluyam. Niyə belə deyirəm?
Çünki adi serjant deyir ki, “mən beləyəm. Ged kimə istəyirsənsə de, budur!”
Sən heç prezidentin yox e, bölmə rəisinin övladını görəndə bilmirsən necə “xoşuna gələsən”. Mənim qabağımda şirə dönməklə deyil. Şir elə mənəm! Damarımda axan qan bəlli, bu qana necə layiq olduğum, necə müqəddəs tutduğum da bəlli.
Məni asa da bilərsiniz, kəsə də bilərsiniz, ölə də bilərəm qala da bilərəm. Onsuz da bir gün gələn bir gün də gedir. Heç kim bu dünyanı özü ilə aparmır.
Mənim dinim imanım Dövlətim və Dövlətçiliyimdir! Və bir gün millətim bunun əslində necə gözəl bir şey olduğunu görəcək. Bu dövlətə ziyan vuran Şirkətçilər isə mənim düşmənimdir!
Uzun müddətdir düşünürəm ki, görəsən bu ürəyimdə olanın heç olmasa 5 faizini yazım yoxsa yox?
İndi fikirləşirəm ki, niyə yazmayım? Yazmadıqca, mesajını vermədikcə 5-10 manat rüşvət alan adam gəlir sənə dövlətçilik dərsi keçməyə cəhd edir. Sənə elə baxır ki, guya bu çox ciddi bir işlə məşğuldur və duruşu var. Gəlin məni öldürün, dilimi kəsin, məni danışdıran dövlətçilikdir. Bu da, mütləq bax bu məmləkətdə bərqərar olunacaq! Sizi danışdıran isə maaş+müftə pul. Mən həyatımda danışmaqdan pul qazanmamışam. Amma sən məni susdurmaq üçün işləyir və maaş alırsan. Dövlətçilik, bayraq, millət, vətən, Şəhid, Qazi anlayışları pul ilə alınmır və satılmır.
Axırına çatdınızsa bunu bir daha deyirəm.
Şəhid İsmayılov İlqar və Şəhid Əlibəyov Murad. Hər iki şəhidimin qanı bu hakimiyyətin ən yuxarısından ən aşağıda olan sadə polis əməkdaşına (bir dəfə belə olsun şəhidə qaziyə və adi vətəndaşa hörmətsizlik edibsə) HARAM HARAM HARAM OLSUN!
Sabah atamın şəhadətinin ildönümüdür!
Dünən dostum, Hacı Vəliyev həbs edilib.
Məndən hələlik bu qədər…..
