Misli Premyer Liqasında 29-cu tur davam edir.
Bu gün daha iki matç oynanılıb.
Əvvəlcə “Sabah” öz meydanında “Kəpəz”i qəbul edib. Görüş qonaqların 1:0 hesablı qələbəsi ilə başa çatıb.
Beləliklə, paytaxt təmsilçisi 36 xalla 5-cidir. Gəncə klubu isə 27 xalla 9-cu pillədə yerini möhkəmləndirib və sonuncu – 10-cu yerdəki “Səbail”lə xal fərqini 7-ə çatdırıb.
Günün ikinci qarşılaşmasında “Qarabağ” “Zirə”ni qəbul edib. Matç Ağdam təmsilçisinin 1:0 hesablı qələbəsi ilə yekunlaşıb. Görüşün 90+9-cu dəqiqəsində qonaq komandanın xeyrinə penalti təyin olunsa da, Qismət Alıyevin zərbəsini qapıçı Mateus Koxalski dəf edib.
Beləliklə, “Qarabağ” 70 xalla liderdir, “Zirə” isə 55 xalla 2-ci yerdə qərarlaşıb.
Qeyd edək ki, tura sabah yekun vurulacaq.
6 aprel (bazar)
19:30. “Qarabağ” – “Zirə” – 1:0
Qol: Kadi Borqes, 15
Hakimlər: İnqilab Məmmədov, Namiq Hüseynov, Rahil Ramazanov, Əkbər Əhmədov
VAR: Tural Qurbanov
AVAR: Asiman Əzizli
Tofiq Bəhramov adına Respublika Stadionu
17:00. “Sabah” – “Kəpəz” – 0:1
Qol: Valdemar Almeyda, 41
Hakimlər: Rauf Cabarov, Pərvin Talıbov, Şirmamed Mamedov, Rəvan Həmzəzadə
VAR: Nicat İsmayıllı
AVAR: Akif Əmirəli
“Bank Respublika Arena”
7 aprel (bazar ertəsi)
15:30. “Şamaxı” – “Neftçi”
18:00. “Araz-Naxçıvan”– “Sumqayıt”
5 aprel (şənbə)
“Səbail” – “Turan Tovuz” – 0:0
Bombardirlər:
Leandro Andrade (“Qarabağ”) – 11 qol
Cesse Sekidika (“Sabah”) – 10 qol
Salifu Suma (“Zirə”) – 9 qol
Davit Volkov (“Zirə”) – 9 qol
Felipe Santos (“Araz Naxçıvan”) – 9 qol
Coy-Lens Mikels (“Sabah”) – 8 qol
Nəriman Axundzadə (“Qarabağ”) – 8 qola (Qol.az)
