Naviqasiya proqramının göstərdiyi yolla gedən taksi körpüdən aşdı
İndoneziyada bir sürücü avtomobillə Google xəritəni izləyərək yol gedərkən körpüdən aşağı aşıb.
Tacxeber.com türk mediasına istinadən xəbər verir ki, taksi fəaliyyəti ilə məşğul olan Rudie Heru Komandono və sərnişini hadisədən yüngül xəsarətlərlə xilas olublar.
Belə ki, naviqasiya proqramının göstərdiyi yeni və yarımçıq yolda hərəkətdə olan Rudie maşınla beton maneələrdəki boşluğa girərək 12 metr hündürlükdən yıxılıb.
