Zelenski Çinin Rusiyaya silah tədarük etdiyini iddia edir

Tacxeber.com “İnterfaks-Ukrayna”-a istinadla xəbər verir ki, bu sözləri Ukrayna prezidenti Volodimir Zelenski deyib.

“Söhbət konkret olaraq barıt və artilleriyadan gedir. Həmçinin Çin Rusiya ərazisində silah istehsalı ilə məşğuldur”, – Zelenski bildirib.

Oxşar ittihamlar daha əvvəl G7 tərəfindən ötən ilin oktyabrında səslənmişdi. Həmin vaxt G7 ölkələrinin müdafiə nazirləri Rusiya ilə Çin arasında hərbi əməkdaşlığın güclənməsindən narahat olduqlarını bildiriblər və bunu Ukraynada “sabitliyi pozan hərəkətlərlə” əlaqələndiriblər.

Çin Xarici İşlər Nazirliyinin rəsmisi Mao Ning bəyan edib ki, Çin Ukrayna münaqişəsinin tərəfi olan Rusiyaya heç vaxt silah və ikili təyinatlı materiallar təqdim etməyib. Diplomat qeyd edib ki, Çin hakimiyyəti G7 ölkələrinə münaqişənin gərginləşməsinə görə Çini günahlandırmağa imkan verməyəcək. Mao Ning iddia edir ki, Çin G7-yə ciddi təqdimat verib, çünki bu bəyanat “faktları görməzdən gəlir və Çinə böhtan atır”.

Tacxeber.com