Dünənki təkanlar böyük İstanbul zəlzələsini sürətləndirib – Yapon mütəxəssis
“Mərmərə dənizində 7.5 bal və daha böyük maqnitudalı zəlzələlərin olması gözlənilir”.
Tacxeber.com xəbər verir ki, bu sözləri yaponiyalı zəlzələ mütəxəssisi Yoşinori Morivaki İstanbul zəlzələsi barədə danışarkən deyib.
O, baş verən zəlzələnin yer altındakı enerjini boşaltmadığını, əksinə gözlənilən “böyük İstanbul zəlzələsi”ni sürətləndirdiyini söyləyib.
“Biz Mərmərədə 7,5 bal və daha yuxarı zəlzələ gözləyirik. Bu cür zəlzələlər artıq tarixi dövrlərdə proqnozlaşdırılır” – o söyləyib.
O, zəlzələdən sonra afterşokların 1.5- 2ay davam edə biləcəyini deyib.
Qeyd edək ki, İstanbulda dünən saat 12:49-da Mərmərə dənizində Silivri yaxınlığında 6,2 bal gücündə zəlzələ baş verib. Bu zəlzələdən əvvəl və sonra daha kiçik maqnitudalı bir neçə təkan da olub. Zəlzələdən sonra 300-ə yaxın afterşok qeydə alınıb.
