Zelenski Papanın dəfn mərasiminə bu geyimdə qatıldı – FOTO

Ukrayna prezidenti Vladimir Zelenski Roma Papası Fransiskin dəfn mərasimində qəbul edilmiş etiket normalarını pozub.

Tacxeber.com xəbər verir ki, bu barədə “RİA Novosti” öz müxbirinə istinadən məlumat yayıb.

Qeyd olunur ki, dəfn mərasiminə gələn bütün kişilər tünd kostyum və ya frak, qadınlar isə qara geyiniblər. Eyni zamanda, müxbirin sözlərinə görə, Zelenski kamuflyaj geyindiyi üçün izdihamdan seçilir.

Qeyd edək ki, Fransiskin dəfn mərasimi aprelin 26-da Vatikanın Müqəddəs Pyotr meydanında başlayıb. Liturgiyaya Kardinallar Kollecinin dekanı Giovanni Battista Re rəhbərlik edəcək. İbadət başlayan kimi içərisində Papanın cəsədi olan tabut Müqəddəs Pyotr Bazilikasından aparılıb.