Trampdan cavab ala bilmir, məətəl qalıb

Gürcüstanın baş naziri İrakli Kobaxidze ABŞ prezidenti Donald Tramp və vitse-prezident Cey Di Vensə açıq məktub ünvanlayıb. Baş nazir məktubunda Ağ Evin yeni rəhbərləyinin gürcü-amerikan münasibətlərinin bərpası və strateji tərəfdaşlığın bərpası ilə bağlı susqunluğundan məətəl qaldığını qeyd edib.

Tacxeber.com xəbər verir ki, Gürcüstanın Baş naziri məktubu sosial şəbəkədəki səhifəsində dərc edib.

Kobaxidze qeyd edib ki, bir neçə həftə əvvəl ikitərəfli münasibətlərlə bağlı Amerika rəhbərliyinə müraciət edərək əlaqələrin sıfırdan və konkret plana uyğun olaraq yenidən başlamağa hazır olduqlarını dəfərlərlə bəyan etsələr də, indiyədək cavab yoxdur.

“Bu susqunluq gürcü xalqını və gürcü hakimiyyətini bir neçə səbəbə görə təəccübləndirir. İlk növbədə, Gürcüstan ABŞ üçün strateji əhəmiyyət kəsb edən ən çətin regionumuzda uzun illər Ağ Evin ən etibarlı tərəfdaşı olub. Gürcüstan ABŞ-ni ən qaynar nöqtələrdə, o cümlədən İraq və Əfqanıstanda dəstəkləyib. Bizim kimi kiçik bir ölkənin bu iki missiyada iştirakı ABŞ-yə 2,5 milyard dollar qənaət edib ki, bu da Gürcüstana göstərilən faktiki yardımdan dəfələrlə çoxdur”, – məktubda  deyilir.

Tacxeber.com