Ədliyyə Nazirliyinin Notariat, Qeydiyyat və Reyestr Baş İdarəsinin rəisi Elşad Məmmədlinin içkili vəziyyətdə avtomobil idsrə etməsi və Dövlət Yol Patrul Xidməti əməkdaşları arasında mübahisə yaranması barədə məlumat yayılıb.

Gununsesi.info-nun xəbərinə görə, xidməti avtomobilində sükan arxasında olan idarə rəisi sayrışan işıqları yandıraraq, təhlükəli manevrlər edib.

YPX-nin diqqətini çəkən bu hala görə ona saxlamaq işarəsi verilsə də Məmmədli tabesizlik göstərib.

YPX əməkdaşlarının təqibindın sonra dayandırılan Elşad Məmmədli bu dəfə onlarla mübahisə edib və özünün toxunulmaz şəxs olduğunu bildirib.

Yaranmış vəziyyət Bakı Şəhəri Baş Dövlət Yol Polisi İdarəsinin rəhbərliyinə məruzə olunub.

Elşad Məmmədli yeni ədliyyə nazirinin  yaxın dostu kimi tanınır.

Görünür, bu səbəbdəndir ki, nazirlikdə onun bu hərəkəti barədə hüquqi ölçü götürülməyib.

Elşad Məmmədli ilə bağlı əldə etdiyimiz daha bir məlumatda isə onun bir neçə ay əvvəl Sea Breeze İstirahət Mərkəzində də sərxoş vəziyyətdə dava saldığı bildirilir.

Tacxeber.com