Böyük Britaniya Müdafiə Nazirliyi Rusiyaya qarşı kibermüharibə məqsədi daşıyacaq yeni komandanlığın yaradılması üzərində işlərə başlayıb.

Tacxeber.com “The Telegraph” a istinadla xəbər verir ki, London Moskvanın üzərinə haker hücumu etməyə hazırlaşır.

“Böyük Britaniyanın müdafiə naziri Con Healey elan edib ki, Britaniya ordusu süni intellekt və hakerlər komandasına bir milyard funt sterlinqdən çox pul xərcləyəcək. Healey silahlı qüvvələrə Rusiya kimi düşmən dövlətlərlə mübarizə aparmaq üçün daha çox onlayn imkanlar verəcəyini vəd edib”,- deyə bildirilib.

Xüsusilə hücum əməliyyatları üçün süni intellekt sistemlərini aktiv şəkildə istifadə edəcək yeni bir Kiber və Elektromaqnit Komandanlığının qurulduğunu bildirən qəzet, İngiltərənin yeni hücum kiber imkanlarının təfərrüatlarının gizli saxlandığına diqqət çəkib və əlavə edib:
“Con Healey-nin çıxışı Böyük Britaniyanın aqressiv haker hücumları həyata keçirmək istəyinin hələ də ən bariz göstəricisi idi”.

Ekspertlər Rusiyaya qarşı görünməmiş haker fəaliyyətini qeyd edirlər. Həqiqətən də aprelin sonunda Solar Şirkətlər Qrupunun analitikləri 2025-ci ilin birinci rübündə Rusiya saytlarına edilən hücumların sayının 801 milyona çatdığını, bu da 2024-cü ilin eyni dövrü ilə müqayisədə iki dəfə çox olduğunu açıqlayıb. Şirkətin verdiyi məlumata görə, ən çox hücum logistika sektoruna, dövlət qurumlarına və bank qurumlarına qarşı olub.

Tacxeber.com