Niyə Demək Olar Ki, Hər Kəsin Bağırsağı Narahatdır? – Həzm Sistemi Niyə Susmur?
Son dövrlər demək olar ki, hər 3 nəfərdən 2-si bu cümləni deyir: “Qarnım köpür, qazım var, nə yesəm oturmur…”
Bəs niyə bu qədər adamın həzm sistemi “etiraz edir”? Bu sadəcə qida ilə bağlı deyil.
Stress – ən böyük düşmən. Bağırsaq ikinci beyin sayılır. Əsəbi olanda mədə susmur, bağırsaq mikroflorası pozulur. Hətta qida düzgün olsa belə, sinir sistemi pozularsa, həzm dayanır.
Yemək tərzi – təkcə nə yediyin yox, necə yediyin də vacibdir. Tələsik, ayaqüstü, telefona baxaraq yemək — mədəyə zülmdür.
Oturaq həyat – hərəkətsizlik bağırsağı tənbəlləşdirir. Hər gün heç olmasa 15 dəqiqə gəzmək, onu “oyadır”.
Antibiotiklər və “boşuna” dərmanlar – bağırsağın faydalı bakteriyalarını məhv edir. Mikrofloranın pozulması, zəif həzm deməkdir.
Paketlənmiş, tezbişən qidalar – tez bişir, amma bağırsağı illərlə məşğul saxlayır. Təbii, lifli, təravətli yeməklər isə həzm sisteminin dostudur.
Nə etməli?
Yeməyi sevgi ilə yeyin. Diqqətli, çeynəyərək.
Hər gün az da olsa hərəkət edin.
Su için, amma süni içkilərlə yox.
Kefir, qatıq, ev yoqurtu – bağırsağınızın sevdiyi “dostlar”dır.
Əsəbinizi həzm sisteminizə ötürməyin.
