Tramp Maskın istefasını TƏSDİQLƏDİ – “Bu, onun son günü olacaq”

Mayın 30-u milyarder İlon Maskın ABŞ Hökumətinin Səmərəliliyi Departamentinin (DOGE) rəhbəri vəzifəsində son günü olacaq.

Tacxeber.com xəbər verir ki, bu barədə ABŞ Prezidenti Donald Tramp “Truth Society” sosial şəbəkəsindəki səhifəsində məlumat verib.

“Sabah (cümə günü) saat 13:30-da Oval kabinetdə İlon Maskla mətbuat konfransı keçirəcəyəm.

Bu, onun son günü olacaq (bir sahibkar kimi DOGE-nin rəhbəri postunda)… Sabah Ağ Evdə görüşənədək”, – ABŞ lideri yazıb.

Bundan əvvəl ABŞ-ın ticarət naziri Hovard Lutnik bildirmişdi ki, Mask ABŞ Prezidenti Donald Tramp administrasiyasını tərk etdikdən sonra dövlət başçısının yaxın çevrəsində qalacaq.

Latnik Mask və prezidentin “böyük dost” olduğunu vurğulayıb. Nazir əlavə edib ki, iş adamı ABŞ Prezidentinə çox yaxındır.

Mayın 29-da məlum olub ki, Mask Donald Tramp administrasiyasındakı işini bitirir və Hökumətin Səmərəliliyi Departamentinin (DOGE) rəhbəri vəzifəsini tərk edir. Qərar Ağ Evdə əsas büdcə siyasəti məsələləri ilə bağlı fikir ayrılıqları fonunda verilib. Mask ABŞ Prezidentinə “boş xərcləmələri azaltmaq fürsətinə” görə təşəkkür edib və DOGE-nin fəaliyyətini davam etdirəcəyinə əminliyini ifadə edib. “Tesla” qurucusu indi diqqətini dövlət xidmətində olduğu müddətdə itkilərə məruz qalan biznesin idarə edilməsinə yönəltmək niyyətindədir.

Tacxeber.com