11 dəqiqə ərzində cənnət və cəhənnəmi ZİYARƏT ETDİ

ABŞ-nin Kanzas ştatında yaşayan 68 yaşlı Şarlotta Holms keçirdiyi mistik təcrübə barədə danışıb. Onun sözlərinə görə, bu təcrübə ürəyi dayandığı zaman baş verib.

Tacxeber.com xəbər verir ki, qadın bu barədə “Daily Mirror”a danışıb.

Məlumata əsasən, 68 yaşlı qadın 11 dəqiqə müddətində kliniki ölüm vəziyyətində olub. O həmin bu zaman kəsiyində cənnət və cəhənnəmi ziyarət etdiyini iddia edir.

Holmsun sözlərinə görə, o, baş verənləri kənardan müşahidə edib, hətta öz bədənini də görüb. Şatlotta cənnəti valehedici musiqi, çiçək qoxuları və mənzərəli gözəlliklərlə dolu bir yer kimi təsvir edib. Onu orada mələklər müşayiət edib və ətrafdakı insanlar arasında o, dünyasını dəyişmiş qohumlarını, müqəddəsləri və hətta Tanrını – parlaq işıq şəklində gördüyünü iddia edib.

Lakin qadın 11 dəqiqəlik “səyahəti” yalnız işıqlı tərəflə yekunlaşmayıb. O iddia edib ki, Tanrı ona həm də cəhənnəmi göstərib. Bura isə qaranlıq, iztirab dolu qışqırıqlarla və çürümüş ət qoxusu ilə dolu bir yer olub. Onun sözlərinə görə, bu yerlər ona ibrət üçün göstərilib ki, başqalarına həyatın və inancın yenidən dəyərləndirilməsinin vacibliyini çatdıra bilsin.

Holms vurğulayıb ki, yaşadığı bu təcrübə onun üçün axirət həyatının mövcudluğuna sübut olub və ölümdən sonra sözlərlə ifadə olunması mümkün olmayan bir həyatın olduğunu göstərib.(Bizim.Media)

Tacxeber.com