Cadunun təsirindən necə qorunmaq olar? – İnananlar üçün üsullar

Cadunun varlığı və onun insan həyatına təsiri müxtəlif dinlərdə, mədəniyyətlərdə və inanclarda yüzillərdir müzakirə mövzusudur. İslam, xristianlıq, yəhudilik kimi səmavi dinlərdə belə, cadunun varlığından bəhs edilir. Hər nə qədər elm bu halları psixoloji vəziyyətlərlə əlaqələndirsə də, inananlar üçün cadunun pozulması yolları ciddi şəkildə araşdırılır və tətbiq olunur.

Tacxeber.com bu inanc çərçivəsində geniş yayılmış və işlək sayılan bəzi metodlarI təqdim edir:

1. Qurani-Kərim ayələri ilə ruqyə oxumaq

İslam inancına görə, cadunun ən təsirli pozulma yolu “Ruqyə” adlanan qoruyucu dua və ayələrdən istifadədir. Ən çox oxunan ayələr bunlardır:

Fələq və Nas surələri (Cadudan və şeytani şərdən qorunmaq üçün)

Ayətül-Kürsi (Bəqərə surəsi, 255-ci ayə)

Bəqərə surəsinin son iki ayəsi (284-286)

İnanclara görə düşünülür ki, bu ayələr gündəlik olaraq səhər və axşam oxunduqda cadudan və gözəgörünməz təsirlərdən qoruyur.

2. Sirkə və duz ilə təmizlənmə

Bəzi təcrübəli inanclı şəxslərə görə, cadunun yerləşdirildiyi məkanın energetik təmizliyi üçün istifadə olunan vasitələr arasında duz və sirkə ön plandadır.

Evin künclərinə dəfnə yarpağı, iri duz qoymaqla mənfi enerjinin udulduğuna inanılır.

Sirkəli su ilə ev silmək isə cadunun yerləşdirildiyi ehtimal edilən əşyalardan və enerjidən azad olunma üsulu sayılır.

Bu üsullar Anadolu və Orta Şərq bölgələrində yayılmış xalq təbabəti və enerji təmizləmə metodları əsasında istifadə olunur.

3. Tapılmış cadunu yandırmaq və ya axar suda yox etmək

İddialara görə, əgər cadunun yerləşdirildiyi obyekt (ip, saç, kağız, sümük, parça və s.) tapılıbsa, onu axar suda yox etmək və ya “bismillah” deyərək yandırmaq cadunun təsirini pozur.

İnanclara əsasən, bu zaman dua oxumaq və Allahdan qorunmaq diləmək əsas şərtdir.

4. Qoruyucu dualar və nəzərliklər (nəzərdən qoruyan əşyalar)

Xüsusilə gözəgörünməz varlıqların təsirindən qorunmaq üçün:

Qarışıq dualar yazılmış kağızların evin girişinə və ya üstə taxılması

Mavi muncuq, qurğuşun əridib tökmək, nəzərliklərdən istifadə ənənəvi qorunma vasitələri sırasındadır.

Bəzi ruhanilərin fikrincə, bunlar insanın energetik sahəsini qoruyur və cadunun ona nüfuz etməsinə əngəl olur.

5. Qəbiristanlıqlardan və yad əşyalardan uzaq durmaq

Bir çox xalq inanclarında deyilir ki, cadu adətən qəbir torpağı, ölmüş şəxslərin əşyaları və ya şəxsi əşyalar vasitəsilə edilir.

Buna görə də tanımadığınız əşyaları evə gətirməmək, qəbiristanlıqdan torpaq və ya bitki qoparmamaq, kimdənsə gələn şübhəli hədiyyələri ehtiyatla qəbul etmək tövsiyə edilir.

6. Təcrübəli ruhaniyə müraciət

İnanclı insanlar cadunun təsirindən tam azad olmaq üçün icazəli ruqyə oxuyan din adamlarına, təcrübəli duaçılara müraciət etməyi məsləhət bilir.

Mənbələrə görə, belə şəxslər adətən cadunun hansı şəkildə edildiyini hiss edir və onu pozmaq üçün fərdi ruqyə və təmizləmə proqramı hazırlayırlar.

Tacxeber.com