İstanbulda Rusiya və Ukrayna arasında danışıqlar heç bir irəliləyiş olmadan başa çatıb: əsirlərin mübadiləsinə dair razılaşmaya baxmayaraq, Kreml Kiyevin tam təslim olmasını tələb etməkdə davam edir.

Danışıqlar zamanı Rusiya Ukrayna tərəfinə ciddi tələbləri – Ukrayna Silahlı Qüvvələrinin işğal olunmuş ərazilərdən çıxarılması, NATO-ya üzv olmaqdan imtina, tam demilitarizasiya və xarici qoşunların yerləşdirilməsinin qadağan edilməsi ilə bağlı yeni memorandum təqdim edib. Ukrayna hökuməti bu şərtləri qəti şəkildə rədd edir.
Kreml həmçinin sanksiyaların ləğvində, təzminatlardan imtinada, diplomatik və iqtisadi əlaqələrin tam bərpasında israrlıdır. Özü də Moskvadan real güzəştlər olmadan.
Putinin bu maksimalist mövqeyi Donald Trampın imicinə zərbə oldu. Ukraynada “sürətli sülh” strategiyasını ikinci müddətə əsas vəd kimi fəal şəkildə təbliğ edən ABŞ prezidenti qəzəblənib: onun sözlərinə görə, Putin Ukrayna şəhərlərinə son kütləvi hücumlardan sonra “tamamilə dəli olub”.

İstanbul danışıqlarının uğursuzluğu fonunda ABŞ Konqresi Rusiyaya qarşı yeni, “dağıdıcı” sanksiyalara təkan verir. Onun müəlliflərindən biri, senator Riçard Blumental açıq şəkildə Kremli “Tramp və Amerikanı axmaq hesab etmək” cəhdində ittiham edib. Vəziyyət Tramp üçün ciddi problem yaradır: o, danışıqlarda israr etməkdə davam edəcək, yoxsa sərt addımlara əl atacaq , ilk növbədə Kiyevə hərbi yardımı artıracaq? Vaşinqton etiraf edir ki, Ukraynadakı müharibənin gedişatı Trampın öz siyasi perspektivlərinə getdikcə daha çox təsir edir: “Putinin növbəti dəfə sülh çağırışlarına güzəştsiz cavab verməsi indi Trampı hərəkətə keçməyə məcbur edə bilər”, – SNN xəbər verir.

Tacxeber.com