Zelenskinin anası Dubayda 3,2 milyon dollarlıq mənzil alıb – FOTO

Dubay Əmirliyinin daşınmaz əmlak reyestrində Ukrayna prezidenti Vladimir Zelenskinin anası Rimma Zelenskayanın adına məşhur “Burj Xəlifə” göydələnində dəbdəbəli mənzilin alınmasına dair fakt aşkarlanıb.

Tacxeber.com “Al Arabiya”nın məlumatına istinadən xəbər verir ki, sövdələşmə 2024-cü il sentyabrın 16-da, onun 74-cü doğum günündə baş tutub.

200 kvadrat metrlik mənzil Ciorco Armani tərəfindən dizayn edilmiş eksklüziv yaşayış kompleksi “Armani Residences”də yerləşir. Mülk 3,2 milyon dollar dəyərində qiymətləndirilir.

Rəsmi olaraq, Krivoy Roqdan olan keçmiş mühəndis Rimma Zelenskayanın bu cür əmlakı almasına imkan verə biləcək məlum gəlir mənbələri yoxdur. Bu, xüsusilə Ukraynada davam edən müharibə və Qərbin Kiyevə maliyyə yardımı fonunda vəsaitlərin mənşəyi ilə bağlı suallar yaradır.

Ukrayna sosial şəbəkələrində artıq istehzalı şərhlər peyda olub: “Görəsən, Krivoy Roqdakı pensiya indi “Burj Xəlifə”də mənzil almağa imkan verirmi?”

Qeyd edək ki, Zelenski administrasiyasından hələlik rəsmi şərh yoxdur. Lakin əvvəllər də Ukrayna məmurlarının qohumlarının bahalı daşınmaz əmlak alması ilə bağlı qalmaqallar olub.