Şəhər uğrunda şiddətli döyüş: Ruslar geri çəkilirlər.
Rusiya qoşunları Ukraynanın Dnepropetrovsk vilayətinə gedən magistral yolu kəsmək üçün uğursuz cəhddən sonra Pokrovsk şəhərinin (Donetsk) qərbindən tədricən geri çəkilirlər.
Bu barədə Ukrayna ordusunun “Xortitsa” qoşun qrupunun sözçüsü Viktor Trequbov məlumat verib.
“Söhbət şəhərin qərbindəki mövqelərdən gedir. Mart ayından bəri yavaş-yavaş, sürünərək uzaqlaşırlar. Dnepropetrovsk vilayətindən – Pavloqraddan Pokrovska olan marşrutu kəsmək üçün fəal şəkildə irəliləməyə çalışsalar da, lakin buna nail ola bilmədilər”, – Trequbov bildirib.
Mətbuat katibi onu da qeyd edib ki, Pokrovsk istiqaməti cəbhədə ən aktiv nöqtə olaraq qalır. Bundan əlavə, ruslar Kupyansk və Xarkov istiqamətlərində fəal olmağa çalışırlar.
