Trampa nəyisə sübut etmək olmur.
ABŞ prezidenti Papanın geyimində olan şəkli barədə heç bir fikri olmadığını deyib. Donald Tramp Ağ Evdə jurnalistlərə açıqlamasında “Kimsə mənim Papa kimi geyinmiş şəklimi çəkib internetdə yerləşdirib. Mən bunu etməmişəm. Onun haradan gəldiyi barədə heç bir fikrim yoxdur. Bu, süni intellekt ola bilərdi, amma bu barədə heç nə bilmirəm” deyib.
Xatırladım ki, bir gün əvvəl Amerika prezidentinin Truth Social şəbəkəsindəki səhifəsində süni intellektlə yaradılmış şəkil dərc edilib, daha sonra isə X sosial şəbəkəsində Ağ Evin rəsmi hesabında peyda olub. Amma indi o, bunu elədiyini boynuna almır…
