“Bu yaxınlarda Elm və Təhsil Nazirliyinin mötəbər bir tədbirində iştirak edirdik. Tədbir Fairmont Baku oteldə keçirilirdi. Ümumi müzakirələrdən sonra tədbir başa çatdı və parkingə endik. Bu zaman 4 məktəb direktoru (3 nəfər xanım, 1 nəfər bəy) dəyəri 100-150 min manat aralığında olan son model avtomobillərə əyləşdi”.

Bu sözləri təhsil eksperti Elçin Əfəndiyev deyib.

O qeyd edib ki, bahalı maşın sürənlərin çoxu yeni təyin edilən direktorlardır:

“Bunların əmək fəaliyyətinə başladığı dövrü araşdırdım. Məlum oldu ki, bəziləri 6, bəzilərisə 10 ildir ki, direktor vəzifəsini icra edir. Aylıq 2000-2500 manatla bu avtomobilləri əldə etmək utopik səslənir.

Ekspert nazirliyə də təklif irəli sürüb:

“Elm və Təhsil Nazirliyi təhsilverənlərin ardınca mütləq direktorların sertifikasiyasını həyata keçirməlidir”.

Tacxeber.com