Putin İstanbula GETMƏYƏCƏK – Nümayəndə heyətinin tərkibi təsdiqləndi
Rusiya Prezidenti Vladimir Putin Ukrayna ilə danışıqlar üçün İstanbula yola düşəcək Rusiya nümayəndə heyətinin tərkibini təsdiqləyib.
Tacxeber.com xəbər verir ki, bu barədə Kreml məlumat yayıb.
Məlumata görə, nümayəndə heyətinə Rusiya Federasiyası Prezidentinin köməkçisi Vladimir Medinski rəhbərlik edəcək.
Nümayəndə heyətinin tərkibində isə Rusiya Federasiyası Xarici İşlər Nazirinin müavini Mixail Qaluzin, Rusiya Federasiyası Silahlı Qüvvələri Baş Qərargahının Baş İdarəsinin rəisi İqor Kostyukov, Müdafiə Nazirinin müavini Aleksandr Fomin yer alıb.
Bundan başqa, Ukrayna ilə danışıqlar üçün təyin edilən ekspertlərin tərkibi aşağıdakı kimidir:
Rusiya Federasiyası Silahlı Qüvvələri Baş Qərargahı rəisinin birinci müavini Aleksandr Zorin, Rusiya Prezidenti Administrasiyası rəhbərinin humanitar sahədə dövlət siyasəti üzrə müavini Podobreevskaya E.S., Rusiya Xarici İşlər Nazirliyinin MDB ölkələri üzrə ikinci departamentinin direktoru Polisçuk A.A., Rusiya Müdafiə Nazirliyinin Beynəlxalq Hərbi Əməkdaşlıq Baş İdarəsinin rəis müavini Şevtsov V.İ.
