Bunu Milli Strateji Düşüncə Mərkəzinin rəhbəri İsa Qəmbər “Pressklub TV”yə müsahibəsində bildirib.

İ.Qəmbər qeyd edib ki, Azərbaycan Yazıçılar Birliyinin sonuncu qurultayında baş verənlər müstəqil, inkişaf etməkdə olan dövlətə yaraşmayan hal idi: “Azərbaycan ziyalılar millətin səsi olmağa çalışıblar. Hətta hakimiyyətin tətbiq etdiyi cizgiləri də keçiblər. Bəxtiyar Vahabzadənin “Gülüstan” poeması və s. Düşünmək olardı ki, İranda proseslər getdiyi vaxt Yazıçılar Birliyinin qurultayının keçirilməsi yerinə düşüb. Bu məsələyə toxunulmaması acınacaqlıdır. Yuxarıdan tapşırılsaydı, bütöv Azərbaycan barədə fikirlər səsləndirəcəkdilər. Görünür, tapşırıq olmayıb, bunlarda da cəsarət yoxdur ki, çıxış etsinlər. Anar dedi ki, açıq səsvermə ən böyük demokratiyadır. Gizli səsvermədə insanlar daha cəsarətli olurlar. Adamlar indiyədək qəbul etmək istəmirlər ki, demokratiyanın ən önəmli cəhətlərindən biri gizli səsvermədir. İnsanlara o azadlığı vermək lazımdır. İstərdik ki, ziyalılarımız da cəmiyyətə nümunə göstərsinlər. Qurultaydakı mənzərə çox acınacaqlı idi”.

Qurultayda Xalq şairi, millət vəkili Sabir Rüstəmxanlı Cənubi Azəebaycanla bağlı problemlərə toxunub, hökunətin bu sahədə boşluqlar buraxdığını, son 30 ildə orayla bağlı lazımı işlərin förülmədiyini, bunun da sabah ciddi fəsadlara səbəb olacağını bildirib

Şair Sayman Aruz isə bütün çıxışını Cənubi Azərbaycana həsr edib.

Görünür, İsa Qəmbər qurultayı yaxşı izləməyib. (Bakupost.az)

Tacxeber.az